Vieiros

O Ciudad Ros Casares Valencia anunciou a fichaxe, para as dúas próximas tempadas, da aleiro galega Tamara Abalde, unha das grandes promesas do baloncesto estatal, que a pasada tempada foi unha das estrelas da liga universitaria nos EUA, xogando co Universidade de Lamar, co que chegou a anotar 44 puntos nun partido.

Abalde, que naceu hai 19 anos en Ferrol, mais que comezou a xogar ao baloncesto en Vigo cando tiña 15 (na máxima categoría do baloncesto estatal), chegando a ser unha das xogadoras máis destacadas do Celta, mide 190 centímetros e trae dos EUA un promedio de 16 puntos e sete rebotes por encontro. A noticia da súa fichaxe chegou estando concentrada coa selección estatal para participar no preolímpico, que lle podería dar a clasificación para Beixín 2008.

A fichaxe de Tamara Abalde polo Ros Casares únese ao de Amaya Valdemoro e ao de Isma Cantó, que será o técnico dun equipo no que ademais teñen contrato Elisa Aguilar, DeLisha Milton-Jones, Erika De Souza e Elena Tornikidou, que renovou a súa vinculación hai poucos días.