Vieiros

Celso Álvarez Cáccamo abordará a "substitución lingüística", consistente en que unha lingua deixa de utilizarse como primeiro idioma no seo da familia e nos grupos de amigos, e outra lingua ocupa o seu lugar. Pero a conferencia tamén analizará as diferentes formas do capital e da súa estrutura de propiedade na sociedade de clases, co obxectivo de comprender a perda da lingua en Galiza, e, polo tanto, de imaxinar maneiras de intervir para a inversión deste proceso dende unha óptica reformista, ou unha óptica emancipadora.

As I Jornadas de Língua organizadas na facultade de Humanidades de Ourense comezaron o pasado 31 de marzo e desenvolveranse até o domingo 6 de abril. Até o momento participaron expertos como Xosé Manuel Sarille, Carlos Garrido e Eduardo S. Maragoto, e aínda este venres Laura Ríos, de Tagem Ata, ofrecerá unha conferencia titulada Mudar de língua, por quê?, a partir das oito e media da tarde.