Vieiros

Touriñés Productions, unha entidade sen ánimo de lucro a prol da promoción dunha lingua "moi minoritaria", o touriñés, que só fala un individuo deste país, o presidente da Xunta, postúlase como candidata aos Premios Nacionais da Cultura na categoría de Patrimonio Cultural.

Para apoiar a candidatura, a sociedade presenta un vídeo onde se dobra ao touriñés un fragmento do filme A vida de Brian, protagonizado por persoeiros da política do país como o propio Touriño, Anxo Quintana ou Méndez Romeu. A iniciativa conta co apoio da wiki do touriñés, a Touripedia, lanzada xa hai un ano e que recompila o vocabulario desta lingua, cos seus significados e mesmo cortes de voz.