Vieiros

O presidente de Colombia, Álvaro Uribe, asinou unha autorización para acadar un acordo humanitario mediante o que autoriza a excarceración dos presos das FARC a cambio de que liberen os seus reféns, entre eles a ex-candidata presidencial Ingrid Betancourt, que se atopa nun delicado estado de saúde. O anuncio fíxoo o Alto Comisionado para a Paz de Colombia, Luis Carlos Restrepo.

O único requisito para chegar ao acordo, explicou Restrepo, é que se liberen os secuestrados: "Basta con que o grupo armado organizado á marxe da lei libere as persoas secuestradas e o Goberno procederá de maneira inmediata a solicitar ás autoridades xudiciais a suspensión condicional da pena dos membros do grupo armado".