Vieiros

O Lobelle xa comezou o partido colléndolle a agulla de marear ao MRA e, en pouco tempo, evitando os perigos dos de Navarra, foron poñendo a súa pegada no marcador. Os de Santiago foron atacando cada vez máis a portería do rival, mentres este se dedicaba aos tiros cruzados e a buscar o empate, se non daba chegado a superar aos galegos.

Ao final os do Lobelle demostraron, en poucos minutos, que querían pasar de rolda e aspirar a gañar a Copa. O 2-4 final no marcador, obra de Carlinhos demostraba a calidade dos galegos.

A quenda do Azkar
Esta sexta feira, ás 19:00 horas, é a quenda dos lugueses do Azkar, que se enfrontarán ao Interviú Fadesa, un óso duro de roer, posto que leva anos mantendo un estraño idilio con esta competición, tempo no que gañou tres títulos e xogou cinco finais consecutivas.