Vieiros

Establecementos adicados ós profesionais da decoración, mobiliario, textil, menaxe, iluminación e tamén antiguedades foron os encarregados de encher os máis de 150 stands ó longo dos catro días que durou o evento. A superficie total ocupada por este terceiro Salón do Fogar foi de 12.000 metros cadrados nos que se puideron ver as últimas tendencias e materiais en canto a interiorismo e ambientación. Esta foi a primeira vez que o certame se celebrou dun xeito independente, xa que nas dúas edicións anteriores estaba integrado en Vigofeira. O que si quedou claro ó longo deste catro días que durou Habitat 99, foi que tanto os empresarios presentes, os fabricantes e os próprios distribuidores, ofrecen productos de alta calidade e que a ofera é ampla e variada para, adaptarse ós gustos máis dispares. O Salón "Habitat 99" é o primeiro que se organiza no recinto de Cotogrande desde a posta en marcha do Instituto Feiral de Vigo e, celebrouse cun concepto diferente ó resto das feiras habituais. Para elo, permitiuse a entrada de visitantes pero só os que sobrepasasen os 14 anos pois, a intención desta mostra é, centrarse nos profesionais do sector. Esto permitiría a curto prazo situar esta mostra entre as máis importantes de España e tamén entre as que teñen máis experiencia. A asistencia de expecialistas, permite ós expositores levar a cabo as transacións comerciais con máis comodidade e sen entorpecementos. Este sálon confirmou tamé a importancia e as expectativas que ten a Eurorexión do Eixo Atlántico. A presencia intensa, das empresas do veciño país favoreceu as espectativas económicas de moitos expositores e clientes. Coma dato que abonda no devandito anteriormente, hai que lembrar que o 70% das empresas do sector que tiñan stands eran portuguesas ou ben do resto de españa. "Habitat 99" contou coa colaboura do concello de Vigo, a Xunta de Galicia e as asociacións de empresarios e comerciantes de Galicia e Portugal.