Vieiros

As comunidades de usuarios voluntarios seguen a traducir software libre á nosa lingua. Nos últimos días completáronse as traducións de documentación e programas ao galego por parte dos grupos eGalego.com e mais a Ciberirmandade.

O grupo eGalego completou a tradución da documentación de phpBB, e mais a do sistema de foros SMF na súa versión 1.1.4 e os xestores Vanilla e miniBB. Por outra banda, a Ciberirmandade rematou a versión na nosa lingua dos foros Fireboard 1.0.4. Todo este software traduciuse grazas á colaboración desinteresada da comunidade internauta, que pon á disposición de todos os usuarios ferramentas na nosa lingua.