Vieiros

O selo discográfico únese á iniciativa de ofrecer música de xeito gratuíto, que xa comezaron outros grupos a nivel internacional obtendo moi bos resultados, como foi o caso nos últimos meses do In Rainbows de Radiohead. Neste caso, a produtora galega busca a promoción dos seus artistas indo máis alá do conflito desencadeado polos problemas que supoñen para as discográficas os programas P2P (nos que se comparte a música entre os usuarios). Os temas, que se ofertan en exclusiva na súa web, poden descargarse completos en formato mp3.

Os internautas que se acheguen até a páxina desta compañía, poderán gozar, a través do Clube Dixital e de forma gratuíta de até 3 temas dos novos álbums de músicos galegos como Xosé Manuel Budiño, Narf, The Homens, Silvia Penide, Xosé Lois Romero, Loretta Martin e Nordestin@s. Dende ese mesmo espazo dixital, tamén se pode mercar o disco completo en mp3 ou en soporte CD.

Con esta oferta, os de Falcatruada continúan cos seus obxectivos de crear unha plataforma de servizos para grupos musicais que serva como estrutura de apoio aos músicos emerxentes en Galiza.

Podes escoitar aquí algún dos temas ofertados:

Budiño Inmaterial (con Mercedes Peón)