Vieiros

A pasada semana actuaron en varias cidades do norte de Portugal 6PM, que esta fin de semana completan en Vigo e Lugo a xira de presentación do seu primeiro e aclamado álbum. Antes fixérano Triángulo de Amor Bizarro, The Homens ou Colectivo Oruga. Pero a relación é de ida e volta. O cuarteto de Porto Sizo fan un rock ruidoso, rápido e bailábel, e acaban de editar o seu primeiro álbum, Nice to Miss You, que pode ser desacargado gratuitamente na súa páxina. Sizo presentarán en Galiza as súas guitarras sucias e voces distorsionadas en tres concertos.

O venres 30 estarán na sala Reserva de Carballo, acompañando a The Homens, que continúan a xira de presentación de Tres (22.30 horas, 6 euros) e que o sábado actuarán na Fábrica de Chocolate de Vigo. O sábado a cita é no pub Fardella de Vilalba (23 horas, entrada de balde). Finalmente, o domingo Sizo estarán na FNAC da Coruña a partir das sete e media da tarde.