Vieiros

O petroleiro ruso que navegaba no paso de Kerch, entre o Mar de Azov e o Mar Negro partiu cando navegaba con ventos de máis de 100 Km/h e ondas de cinco metros de alto. Outro petroleiro, rachou malia estar ancorado nun porto ucraíno, tamén debido ás malas condicións meteorolóxicas, e podería ter vertido até 4 mil toneladas de combustíbel.

Por outro lado, un cargueiro con bandeira de Xeorxia que transportaba chatarra, afundiu preto do porto de Sebastopol, e un equipo de rescate trata de atopar os 15 tripulantes desaparecidos. A cifra total de mariñeiros desaparecidos, con case unha decena de afundimentos en poucas horas, chegaría até as 23 persoas.