Vieiros

Famentos. Esquecidos. Invisibles. Así viven na Arxentina os poboadores orixinarios desas terras. A Xustiza ordenou fai algún tempo asistilos con urxencia, pero nada se fixo por eles. O Valedor do Pobo Eduardo Mondino asegurou este mércores que a situación dos indíxenas na zona do Impenetrable chaqueño segue sendo insostible, a pesar de que a Corte Suprema de Xustiza ordenou que recibisen asistencia este ano, logo de que se coñecesen unha serie de mortes por inanición que afectaron a esas comunidades.

O valedor nacional fixo unha percorrida pola zona para verificar o cumprimento do ordenado o 19 de setembro pasado polo máximo tribunal de xustiza e manifestou que non se realizaron grandes cambios. A medida implicaba que os estados nacional e da provincia norteña de Chaco debían prestar auxilio en forma inmediata a esas comunidades, as cales atópanse "en urxencia extrema, con necesidades básicas e elementais insatisfeitas", segundo a presentación da Defensoría del Pueblo.

Non houbo asistencia

"A situación non variou moito desde que realizamos os informes que deron orixe á presentación xudicial. Non houbo maior asistencia. A medida cautelar non se está cumprindo", indicou Mondino aos medios de comunicación.

Segundo o funcionario, que percorreu a zona "non hai auga potable, continúan os problemas coa subministración de medicamentos e comida e tampouco houbo avances en mobilidade sanitaria".

A medida da Corte foi adoptada tras a denuncia da morte de 19 integrantes de comunidades indíxenas, unha das cales coñeceuse onte e resultou ser a dunha nena afectada de tuberculose.

Comen no chan

Ademais, durante unha visita ao Hospital Castelli comprobou que o centro médico "continúa con moitísimas dificultades xunto á falta de mantemento, con pacientes que comen no chan", polo que "non está en condicións de brindar servizos de saúde", expresou.

O Defensor do Pobo, quen se reuniu cos líderes de 15 comunidades orixinarias, a 350 quilómetros de Resistencia, indicou que logo de celebrado ese encontro, a entidade que representa pedirá outra audiencia para ampliar a denuncia xa iniciada. "Nós denunciamos un verdadeiro exterminio sucesivo a unha profunda crise humanitaria nesta zona. Asumín o compromiso de darlle continuidade a este reclamo impostergable porque estamos ante comunidades tan vulnerables como esquecidas", manifestou Mondino.