Vieiros

O presidente ecuatoriano, Rafael Correa, marcou un importante punto de inflexión na política petroleira do seu país. Segundo parece, o decreto agora coñecido fora xa deseñado e oficializado ás portas das recentes eleccións lexislativas.

A través deste decreto, Correa estabelece que a ducia de empresas petroleiras que operan no país, o quinto produtor a nivel de Suramérica, deberán entregarlle aos petos fiscais até o 99% dos ingresos extraordinarios. Considéranse "extraordinaria" a cantidade que está entre o prezo actual do petróleo e o valor que no seu momento se usou como referencia para os contratos de participación. O feito de que eses contratos foran asinados hai varios anos e a circunstancia dos prezos actuais do combustíbel, que subiron significativamente, é o argumento principal do presidente en favor desta decisión.