Vieiros

Intel, o xigante mundial dos microprocesadores, abriu un sitio destinado ás mulleres que queren adquirir un computador portátil. Bautizado co nome de 'compañeiro perfecto', naceu para axudar á futura clienta a que escolla unha máquina que corresponda mellor coas súas necesidades e a súa personalidade. E se as mulleres son o único obxectivo desta web, é que, explica Intel, "non demandan as mesmas características que un home".

Intel identificou tres tipos de clientas. A "fashionistas" sería moi sensible á forma e á cor da máquina. A muller activa plebiscitaria, que busca computadores compactos e comunicantes. Por fin, as nais de familia preferirían os ordenadores con pantallas anchas. Respondendo a algunhas cuestións en forma de "quiz", a internauta atópase cunha selección ampla de ordenadores que cumpre coas súas previsións.

As mulleres están moito menos equipadas que os homes en cuestión de ordenadores portatiles. En cambio, a súa opinión conta moito: escollen as máquinas que elas mesmas compran no 40 % dos casos, e para os demáis no 60 % das situacións.

50 000 combinacións
Polo xeral, a personalización do computador responde a unha petición. O sitio Topachat lanzou, en colaboración con Intel, un servizo que permite encargar un computador á medida, que un mesmo pode montar na casa. O cliente pode entón construír unha máquina máis acorde coas súas necesidades: pode escoller o bastidor do seu portátil, a talla da súa pantalla, a capacidade do seu disco duro, o tipo de procesador, a instalación dunha carta Wi-Fi para navegar en Internet sen fío... En resumo, unhas 50 000 combinacións serían posibles.

Só falta que o cliente xunte as pezas. Unha operación que levaría menos dunha hora, segundo os promotores do sitio. Desde abril, Surcouf, filial de Fnac especializada na informática, ofrécelles aos seus clientes a posibilidade de escoller un computador á medida. E xigantes da informática como Apple ou Dell abriron tendas en liña que lle permiten ao usuario configurar o seu computador segundo as súas necesidades.