Vieiros

A Polo Ghit, o concurso na procura da canción do verán galega, non só medrou en participantes este ano, senón que tamén o interese dos internautas por entrar na páxina aumentou considerabelmente. As guerras -aínda que cordiais, esperamos- de comentarios entre os seguidores duns grupos contra outros fixeron que a web tivese unha media de 1.300 visitantes diarios, con picos de até 2.400 nos días máis fortes do mes de xullo.

Unha novidade desta segunda edición do concurso foi a posibilidade de descargar melodías dos dez temas finalistas para empregar como tons de chamada dos teléfonos móbiles. Mais xa dende o primeiro momento se puideron escoitar as músicas de A Polo Ghit en moitos mancontros do país e saíndo dos vidros baixados de moitos automóbiles.

Deste xeito, houbo unha media de 2.035 descargas diarias, cun máximo de 5.728. Por suposto, as cancións aínda seguen ao dispor do público na web.