Vieiros

O cantautor de orixe cubana Yhosvany Palma foi o gañador do segundo certame Utopía Son na categoría de canción en galego. Palma presentou o tema Irse, demostrando, segundo o blog do festival, que hai algo de utopía no feito de que un cubano que vive en Galiza cante no idioma en que milleiros de emigrantes falaron en Cuba.

O premio para canción en calquera idioma compartírono ex aequo Julián Rodríguez, con Serán libres; Sireno, con Creación/mantemento/destrución; Días descalzos, con Días descalzos, e Expediente oculto, que presentou ¿Quién se atreve a decir que es terror?

Na mostra participaron 24 autores durante catro meses, de maio a agosto, en concertos diante do público no café Uf de Vigo. O certame estivo complementado con conferencias, debates, ciclos de cine e música, e exposicións de libros e discos.