Vieiros

Refírese en concreto á xestión desenvolvida pola Fundación Cidade da Cultura dende o seu nacemento en 1999 até o 31 de decembro de 2004. Co cambio de goberno, en agosto de 2005, a Consellaría de Cultura e Deporte tomou o relevo e comezou o deseño dun proxecto cultural: substituíu o sistema de relatorios asesores, e implicou ás principais institucións culturais do país (o Museo do Pobo e o Consello da Cultura entre elas).

Estabeleceuse un proceso participativo, de xeito que 240 representantes de todos os sectores da cultura e da ciencia en Galiza foron parte durante semanas dun diálogo aberto: persoas profesionais e expertas das artes escénicas, música, lingua, literatura, artes visuais, cultura e sociedade, audiovisual, cultura tradicional, cultura científica, creación en Internet e música clásica.

Actualmente a Cidade da Cultura conta cun proxecto de contidos que foi exposto pola conselleira Ánxela Bugallo perante o Parlamento de Galicia o día 27 de decembro de 2006, e pode ser consultado publicamente na páxina web da Consellaría e da Fundación.