Vieiros

“Non asinei ningún permiso, non enviei ningunha fotocopia do meu carné, pero recibín unha carta de agradecemento e unha copia da candidatura onde estaba o meu nome”, así recolle La Voz de Galicia a sorpresa da veciña do Grove, que se presentou sen sabelo como candidata no municipio de Muskiz. A gravidade dos feitos pode acabar nun proceso penal.

Mais este non é o primeiro caso, o mesmo xornal tamén denunciou esta semana que outra muller do mesmo municipio tamén foi incluida na lista de voluntarios a presentarse polo PP de Euskadi, aínda que non chegou finalmente a figurar nas listas. As dúas afectadas teñen en común que traballaron no Concello do Grove cando aínda gobernaba o PP.