Vieiros

A XX edición do Rali de Narón tenta superarse a si mesma xuntando, na xornada do sábado, uns 10.000 afecionados ao automovilismo na cuarta proba do Campionato Galego.

A proba ten un coeficiente de dificultade 8, e está organizada pola Escudería Siroco Team de Narón, que na xornada da cuarta feira se amosaba fachendosa e entusiasmada de ter cada ano un rali atractivo, dinámico e que presenta como principal novidade un primeiro tramo inédito. Chamáronlle Talleres Casal y Pernas e ten unha lonxitude de 8,200 quilómetros entre Recemel e Serra.

Cada tramo leva o nome dun patrocinador, o B, Sondeos gayoso -entre Recemel e Igrexafeita, de 11,350 Qms.- ; C Garaje Castelos, entre Leiriña e Ferreira; e o último, o D, Talleres Breogán, entre as parroquias de Fraguela e Narahío. Hai 103 pilotos inscritos, que han percorrer uns 328,350 quilómetros, de entre os que 92,500 son cronometrados. Case todos eles, -agás el mesmo-, han loita contra Martínez Barreiro, "Bamarti", o principal rival a bater e recente campión do pasado Rali do Albariño, en cambados. Os que andan detrás del, case rozándoo son Pedro Burgo, Luis Vilariño, Fernando Rico, Julio Doce, Roberto Blach, Miguel Dopico e Chelis Gómez, entre outros.

A mañá naronesa do sábado promete ruído e emoción a catro rodas, tendo coidado coas cunetas e as curvas.