Vieiros

A ausencia de sondaxes non ofrece prognósticos claros sobre o que poida pasar nas eleccións lexislativas de Alxeria, malia que os analistas consideran que a maioría de votos quedará repartida entre dúas grandes forzas conservadoras, a Fronte de Liberación Nacional, FLN, e a Agrupación Nacional Democrática, RND.

Durante a fin de semana o grupo chamado Al Qaeda no Magreb Islámico enviou un comunicado á televisión Al Iasira onde lle pedía á poboación que boicotease os comicios e non acudise ás urnas. Nas últimas horas, unha ducia de presuntos membros deste grupo morreron nunha operación militar do exército na provincia de Tebessa.