Vieiros

O informe interno da Cruz Vermella subliña que todo o territorio conquistado por Israel na guerra de 1967 é "territorio ocupado" e di que o goberno israelí exerce a súa condición de forza de ocupación en detrimento da poboación palestina. Ocúpase por exemplo da situación de Xerusalén, sinalando que Israel forza o "redeseño do desenvolvemento da área metropolitana con consencuencias humanitarias de gran alcance". De xeito concreto, denuncian que se ille os palestinos da zona do resto e critícanse as crecentes dificultades destes para accederen a hospitais e escolas.

Recoñecida como gardián das leis humanitarias baixo a Convención de Xenebra de 1949, o comité da Cruz Vermella non fai públicos directamente os seus informes, aínda que llos achega a algunhas institucións e actores políticos. Este en concreto, foille proporcionado ao New York Times pouco antes da celebración do que o executivo israelí bautiza coma o 40 aniversario da unificación de Xerusalén.

Poden ampliar en The New York Times.