Vieiros

O roteiro cavila no ano 2009 como probábel data para a entrada en vigo da Euroconstitución e será estudado polo miúdo nunha xuntanza dos líderes durante o próximo mes de xuño. Alemaña, que preside na actualidade a UE, xunto con Portugal e Eslovenia, que terán presidencia de quenda nos semestres consecutivos, coordinan os pasos a dar nese proceso.

O novo documento deseña un "tratado reducido", que prioriza a atención sobre reformas consideradas chave, como o estabelecemento de presidencias con prazos máis longos, o artellamento de sistemas de votación baseados no tamaño da poboación ou a escolla dun ministro de Exteriores para toda a UE. Ao respecto, o presidente da Comisión Europea, José Manuel Durão Barroso, asegurou que os líderes discutiron o camiño a seguir "con gran detalle".