Edición xeral
Manifestación en Pamplona en contra da hipotética unión de Navarra e Euskadi
Milleiros de persoas percorreron as rúas da cidade baixo o lema ‘Foro e Liberdade, Navarra non é negociábel’.
Foi ás cinco da tarde cando comezou en Pamplona a manifestación convocada polo Goberno foral en contra dunha suposta negociación do executivo estatal con ETA para incorporar Navarra a Euskadi. O acto contou coa presenza dunha nutrida representación da cúpula do Partido Popular, encabezada por Mariano Rajoy.
Malia que a vicepresidenta do Goberno estatal, María Teresa Fernández de la Vega, insistiu este sábado en que a comunidade foral “non é negociábel”, o presidente do Goberno foral, Miguel Sanz, sinalou ao final da marcha que “queremos oír claramente que os socialistas navarros non pactarán cos nacionalistas que non representan a nosa comunidade”. Sanz pediu ademais que Navarra sexa unha “liña infranqueábel no proceso de negociación”.
Segundo a delegación do Goberno, 75.000 persoas asistiron á marcha. A Policía Foral sinalou que foron 103.000.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto