Vieiros

As sondaxes prognosticaran un cambio de orientación na coalición de goberno, co posíbel acceso dun dos socios minoritarios ás preferencias dos electores, pero finalmente semella que se reeditará o acontecido hai catro anos. Así, o partido Central, con Edgar Savisaar á fronte, non confirmou o prognóstico de vitoria que lle daban as sondaxes e quedou no 26,1%.

Na viraxe do voto dos estonios destaca a caída da que en 2003 fora a formación máis votada, a Unión da Res Pública Pro Patria, que descendeu ao terceiro posto acumulando só o 17,8% dos votos. Isto daríalle á principal forza da oposición un máximo de 19 escanos.

Apenas un 3,3% dos electores aproveitou a posibilidade de votar a través da rede. O sistema estabelecido permitíalle aos votantes que previamente tiveran exercido o seu dereito a voto en internet, ir posteriormente ao colexio electoral e votar en urna, co cal se eliminaba o voto previo na rede.