Edición xeral
Serbia prognostica que Cosova abrirá camiño á independencia galega
A posíbel autorización para a independencia de Cosova crearía un "precedente" que facilitaría outros procesos de secesión na Unión Europea, segundo opinou Vuk Draskovic, ministro serbio de Exteriores. "Cando menos tres" produciríanse no Estado español, opinou Draskovic en referencia aos casos de Euskadi, Galiza e Cataluña.
O ministro serbio fixo estas declaracións durante unha conferencia de prensa conxunta co ministro de Exteriores español, Miguel Ángel Moratinos. O político serbio dixo que o seu país "sempre apoiará unha soa España, a actual" e pediulle a Moratinos que o goberno español apoie "unha soa Serbia no canto dunha fraccionada".
Ao respecto, o ministro español afirmou descoñecer "cal será o mapa final dos Balcáns" insistindo en que o mapa do Estado español "é e será o actual". O goberno serbio reaccionou con belixerancia en datas recentes á proposta da misión especial das Nacións Unidas, que propuxo amplos poderes para Cosova, como primeiro chanzo cara a independencia do país.
Ligazóns
- Plan para a independencia de Cosova
- As independencias que veñen: Escocia, Flandes, Cosova, Euscadi... Andalucía?
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto