Vieiros

"Non vexo ben iso de sacarlles as terras á forza, aínda que llas paguen ben". A reflexión asinábana Esther e María do Carmo, alumnas de 5ºA do Colexio de Cerceda, en febreiro de 1977. Das hemerotecas rescatamos o especial adicado ás Encrobas na revista Vagalume, que daquela editaba a asociación cultural Lumeiro, con debuxos e textos dos cativos. Ademais, falamos con Ramón Muñiz de las Cuevas, daquela membro de Comisións Labregas e na actualidade da Irmandade Moncho Valcarce, con Xosé Bocixa, vocalista de Zënzar, que naceu e viviu en Gontón, na parroquia cercedense das Encrobas e con Francisca Moar Pardo, veciña das Encrobas. Todo no escáner de Vieiros: Trinta anos a ceo aberto.