Os clubs galegos de fútbol piden a resolución definitiva do expediente a Meana
A Asociación de Clubs Galegos de Fútbol presentou este luns un escrito no que se reclama unha rápida resolución para o expediente sancionador que o presidente da federación e outros membros teñen pendente por supostas irregularidades na xestión da institución. Na carta, dirixida ao presidente do Comité de Xustiza Deportiva, os clubs sinalan que "xa transcorreu un tempo máis que prudencial neste importantísimo asunto", e que se trata "ante todo de evitar que feitos de tanta gravidade no mundo do fútbol poidan caer no silencio ou no esquecemento".
Foi o pasado setembro cando a Asociación de Clubs Galegos de Fútbol presentaba unha serie de documentos que advertían dunhas supostas irregularidades na xestión económica da federación galega. No escándalo estaban involucrados o presidente Julio Meana, o secretario Ramón de Llano, o vicesecretario Benjamín Amido, o tesoureiro Luis Caridad e Fernando Blanco, presidente do comité de adestradores.
A denuncia dos clubs chegou até o Comité de Xustiza Deportiva, que se reuniu para tratar o tema o vintenove de setembro. Desde aquela, aínda está pendente a resolución definitiva do expediente sancionandor que anunciaron que lle abrirían a Meana e aos seus colaboradores. Segundo os clubs, "esta lentitude administrativa non favorece en absoluto á estabilidade da propia federación, un ente que aglutina a decenas de miles de deportistas".
Ligazóns
- A Asociación de Clubs de Fútbol acusa a federación de irregularidades nas cont
- Expediente disciplinario para Meana e catro membros máis da Federación de fútb
- O secretario da federación de fútbol chegou a cobrar cada dous meses gratificaci&oacu
- O director xeral recoméndalle ao presidente da federación que dimita
- Santi Domínguez advirte "posíbeis indicios de irregularidades" nas contas da
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto