Un congreso trata por primeira vez a tradución para a dobraxe en Galiza
O primeiro congreso dedicado á tradución para a dobraxe chegará a vindeira semana á Facultade de Filoloxía e Tradución da Universidade de Vigo. Durante catro xornadas falarán tradutores, dobradores e responsábeis das televisións públicas de Galiza, Euskadi e Cataluña, que resumirán a historia de pouco máis dun cuarto de século que ten a dobraxe nas linguas propias. Xa están inscritos máis de 150 participantes, aínda que o prazo segue aberto até o venres 2.
Entre os relatores previstos están os profesores Rosa Agost Canós, da Universitat Jaume I, e Josu Barambones Zubiria, da Euskal Herriko Unibertsitatea, ademais dos tradutores María Alonso, Lluís Comes i Arderiu, Rosa Moledo ou Beatriz Zabalondo, que falarán das diferentes técnicas de tradución que se empregan para cada xénero televisivo: filmes, debuxos animados ou documentais. Con este primeiro congreso preténdese complementar a formación nunha modalidade con cada vez máis demanda e saídas profesionais.
Documentos
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto