Edición xeral
Cataluña tamén deixará de imprimir en papel o seu Diario Oficial
Logo de que o Diari Oficial de Generalitat Valenciana, DOGV, en papel pasase á historia o pasado día 1 de xaneiro, Cataluña segue avanzando na mesma dirección. Este mércores a Generalitat aprobou un anteproxecto para deixar de imprimir o documento. Ao igual que en Valencia, aléganse razóns de aforro económico e ecolóxico. Mentres, en Galiza, tal e como xa lle adiantaramos, a Xunta limítase a rebaixar o DOG impreso a 4.000 exemplares. En 2006 a impresión en papel custoulles aos galegos 1,8 millóns de euros.
O paso que vai dar Cataluña suporá un aforro de 350 toneladas de papel cada ano. Os cataláns lerán o documento oficial por internet e tamén poderán acceder a el dende as librarías e as bibliotecas públicas. O Diari Oficial de la Generalitat de Catalunya, DOGC, naceu en 1931, e durou oito anos, co nome de Butlletí de la Generalitat de Catalunya. En 1977, logo da ditadura, volveu editarse.
Mentres tanto aquí, como xa lles adiantamos en decembro, a Xunta limítase a reducir a tiraxe do DOG. En 2006 imprimíanse 5.500 boletíns por día e isto custáballe aos galegos 1,8 millóns de euros anuais. A Consellería de Presidencia sinalou que a partir deste ano o número de exemplares impresos reducirase a 4.000. A diferenza do que ocorre en Cataluña e Valencia, en Galiza semella que o aforro económico e ecolóxico aínda non é prioritario.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto