Vieiros

Os simpatizantes e militantes desta formación, aplaudiron a presencia de Xosé Manuel Beiras, o lider indiscutible do BNG e tamén, a do candidato ó Parlamento Europeo, Camilo Nogueira. Ambolos dous acompañaron onte a Lois Pérez Castrillo na súa presentación oficial como candidato á alcaldía da cidade. Beiras reseñou, no decurso da súa intervención, o importante cambio na mentalidade que sofriu a sociedade galega nos derradeiros anos e, destacou tamén que este é o momento idóneo para o nacionalismo na nosa sociedade. Pola súa banda, o candidato, Lois Pérez Castrillo, destacou a necesidade de ter un cambio no goberno vigués para, poder ofecer ós cidadáns o que estes demandan. Dixo tamén que, "O máis importante para o BNG é gañar a alcaldía de Vigo, gañala para tódolos vigueses. Para recuperar o orgullo de seren vigués e facer desta cidade, unha cidade de progreso e de benestar social, para rematar cun cuatrienio de goberno negro do Partido Popular".