Vieiros

A promesa de levar adiante unha ambiciosa reforma constitucional é o proxecto estrela de Rafael Correa, quen logo de recibir hai semanas a beizón dos electores convértese agora oficialmente en presidente de Ecuador. Cara a ese obxectivo, anunciou a convocatoria dun referendo para o próximo 18 de marzo, onde pretende a autorización do pobo para estabelecer unha Asemblea Constituínte que conduza o proceso. Segundo Correa, é fundamental que nese proceso quen asuma o protagonismo e o control sexan as "organizacións sociais" e non as "forzas tradicionais". Máis en El Comercio e La Hora.