Edición xeral
A Xunta poñerá en marcha un programa de "alfabetización tecnolóxica"
O goberno galego vai poñer en marcha este curso un programa de promoción das novas tecnoloxías que dotará os centros educativos de 35.000 ordenadores e promoverá axudas ás familias para que merquen 20.000 equipos. O obxectivo desta acción é promover a "alfabetización tecnolóxica" e paliar a denominada fenda dixital, co que se vai garantir que todos os galegos teñan acceso á rede a, como máximo, trinta minutos do seu domicilio.
O presidente da Xunta, Emilio Pérez Touriño, afirmou, ademais, que Galiza é unha das comunidades nas que hai maior implantación da televisión dixital terrestre e anunciou a constitución, o vindeiro ano, dunha plataforma pola calidade dos contidos para as emisións televisivas, que permita acadar unha programación con atención á infancia e aos valores culturais galegos.
Así mesmo, Pérez Touriño dixo que o Goberno galego está a estudar a posta en marcha dun programa experimental de educación audiovisual en dous centros de ensino, que disporán de medios técnicos e humanos especializados. Estas declaracións fíxoas no acto de inauguración do II Encontro Internacional de Educación Audiovisual, que se celebra até o mércores en Santiago de Compostela.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto