Presentado en Santiago o libro de Ricardo Gurriarán "Ciencia e Conciencia na Universidade de Santiago, 1900-1940"
O libro de Ricardo Gurriarán "Ciencia e Conciencia na Universidade de Santiago 1900-1940. Do influxo institucionista e a JAE á depuración do profesorado" presentouse onte venres nun acto celebrado en Compostela no Salón Reitoral do Colexio de San Xerome coa presenza do reitor da USC, Senén Barro; a conselleira de Cultura, Ánxela Bugallo; o propio autor e os vicerreitores de Relacións Institucionais e de Cultura, Lourenzo Fernández Prieto e Elías J. Torres, respectivamente.
A obra reconstrúe e analiza a investigación científica en Galicia antes da Guerra Civil, indagando sobre a súa estrutura e organización, as redes de formación creadas, a súa implantación e a súa liquidación, así como os itinerarios dos investigadores e do caudal humano que saíra da universidade galega naquela altura.
O libro presentado correspóndese coa tese de doutoramento do mesmo autor sobre ‘A investigación científica en Galicia (1900-1940): institucións, redes formativas e carreiras académicas. A ruptura da Guerra Civil’. No seu conxunto e segundo expuxo o autor, a obra demostra que o momento científico de máximo esplendor da institución compostelá naquela época abrangue de 1930 a 1934 coincidindo coa chegado de profesores novos, a II República e a xestión do reitor Rodríguez Cadarso. "Será neste momento cando a Universidade de Santiago vai mudar cara a unha modernización institucional, conectando coa comunidade científica internacional libre de corsés ideolóxicos".
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto