Edición xeral
O goberno central sinala que o Concello de Caldas verte residuos ao Umia
O Servizo de Protección da Natureza da Garda Civil (Seprona) detectou once focos contaminantes no río Umia dende o ano 2000. O goberno central recoñece que os responsábeis destes vertidos incluso son "organismos oficiais como é o caso do Concello de Caldas de Reis por carecer de depuradora e realizar vertidos directamente ao río". Ademais tamén apunta o goberno a empresas e particulares. A deputada do BNG Olaia Fernández Davila denuncia os continuos ataques que sofre este cauce fluvial, que tivo que soportar hai poucos meses o desastre ambiental provocado pola empresa Brenntag.
Fernández Davila lembrou as conclusións dun estudo da Deputación de Pontevedra en colaboración coa Universidade de Santiago. Naquel informe indicábase que a comezos do verán rexistráronse 177 focos contaminantes no Umia. Por esta razón, o BNG demandaba unha maior vixiancia e eficacia do Seprona. Tamén se demanda unha maior implicación e compromiso das institucións co medioambiente.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto