Vieiros

Dos 146.834 parados rexistrados en Galiza, 82.745 pertencen ao sector servizos (362 máis que no mes de agosto), 23.463 á industria (122 máis), 21.508 ao colectivo sen emprego anterior (237 máis), 14.652 á construción (268 menos) e 4.466 á agricultura (7 menos).

Por provincias, A Coruña e Pontevedra rexistraron unha subida do emprego neste último mes. En Pontevedra o aumento foi de 452 persoas mentres que na Coruña foi de 119. Pola contra, en Lugo e Ourense baixou a cifra: 83 e 42 persoas respectivamente.

Os datos publicados hoxe polo Ministerio de Traballo e Asuntos Sociais sitúan á provincia da Coruña a cabeza do desemprego galego con 60.536 parados, seguida de Pontevedra, 53.513: Ourense, 18.509; e Lugo con 14.276.

Malia os datos deste último mes, en relación co mes de setembro de 2005, o paro na Comunidade baixou en 10.282 persoas, o que supón un 6,54 por cento. Por sexos, segue a haber unha grande diferenza, situándose o masculino en 52.478 e o feminino en 94.356. O número de contratos no mes elevouse ata os 76.665, 131 máis que en Agosto. 8.849 foron contratos indefinidos, o que supón un aumento de 1.451 respecto ao mes anterior.

No conxunto do Estado, o paro baixou un 0,8 por cento respecto a agosto, rexistrando así a maior baixada da historia, despois de subir en 28.000 persoas durante ese mes.