Celso Miguez obtén dous sextos postos en Le Mans
O piloto Celso Míguez Pereira obtivo un total de dez puntos na súa visita ao circuíto francés de Le Mans, no que foi a penúltima proba das World Series by Renault, o que sería a segunda división da Fórmula 1. O pontevedrés, que rematou na sexta posición as dúas carreiras que desputou na fin de semana, ocupa agora o posto 21 da clasificación de pilotos con once puntos. O piloto do Aluminios Cortizo destacou que os bos resultados son o xeito que ten de demostrarlle á escudería Comtec que non se equivocaron coa súa fichaxe.
O cambio de equipo sentoulle ben a Celso Míguez. O piloto galego, que abandonaba hai un mes a escudería Pons Racing para fichar polo Comtec, asinou esta fin de semana a súa mellor actuación da tempada no mítico circuíto de Le Mans.
Míguez acadou foi sexto nas dúas carreiras que se desputaron a fin de semana, o que lle permite ocupar o posto 21 da clasificación con once puntos. O pontevedrés puxolle fin deste xeito á racha negativa que arrastraba desde o comezo da tempada polo que os bos resultados supoñen "unha enorme satisfacción". Celso ve tamén nos dez puntos acadados o xeito de demostrarlle ao seu equipo que non se equivocaron coa súa fichaxe.
O piloto do Comtec recoñece que os puntos acadados, aparte de permitirlle subir oito prazas na clasificación, elévanlle a moral para afrontar a última carreira en Montmeló, que se celebrará os próximos 28 e 29 de outubro no circuíto barcelonés.
Na carreira do domingo Míguez remontou ata nove posicións para acadar o sexto posto, mentres que na xornada do sábado foi o mellor dos pilotos estatais.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto