Vieiros

As inclemencias meteorolóxicas non puideron coa Billarda. O pasado domingo, e con temporal incluído, a selección galega de billarda desputou na localidade asturiana de Castrillón o seu primeiro partido oficial.

Galiza fíxose cun traballado triunfo po 21-27 fronte a unha potentes Asturias onde aos xa coñecidos xogadores da Liga Nacional de Billarda sumáronse os palanadores e palanadoras da Liga Nacional de Lirio.

Coma sempre, Televaral converteuse na canle oficiosa da cita e xa emite as primeiras reportaxes con entrevistas aos protagonistas. No primeiro vídeo Xoán Pico fala con Albarín pola parte asturiana e con Ismael, o Zidane da billarda, por parte dos galegos. No segundo vídeo Fernando, un dos palanadores máis destacados do combinado cantábrico, destaca a importancia da competición por enriba das condicións climatolóxicas.