Vieiros

A Coruña vai acoller a última convocatoria pública de protesta contra o canon que impón a Lei de Propiedade Intelectual (LPI). O anuncio, que circula pola rede de xeito anónimo, cita a quen queira asistir diante da oficina da Sociedade Xeral de Autores e Editores (SXAE) en Galiza, na coruñesa rúa de Federico Tapia, o venres 13 de outubro, a partir das 19.00 horas. O texto que respalda a protesta sinala os motivos polos que considera ilegal o cobro do canon e amosa o seu apoio á presentación do recurso de inconstitucionalidade por parte da plataforma 'Todos contra o canon'.