Vieiros

"Se até hoxe foron parte do problema de agora en diante queremos que formen parte da solución", afirmou Patxi López, secretario xeral do PSE, á saída do encontro coa esquerda abertzale, "poderán ser interlocutores políticos con todas as consecuencias e en todos os campos". Ao respecto, Arnaldo Otegi, voceiro de Batasuna, gabou que as dúas formacións se expresasen "con absoluta sinceridade" e subliñou que os dous partidos comparten que "este país necesita poñer en marcha un proceso de diálogo multilateral, democrático e de negociación política que conclúa cun acordo que ten que respectar a pluralidade do país, contar con todos e unir as diferentes tradicións políticas do país". Nas antípodas ao diálogo teimou o PP durante a mesma xornada, e mesmo a presidenta dos populares en Euscadi, María San Gil, chegou a comparar esa reunión coa de "Hitler e Franco" hai sesenta anos.

• Anterior: O xuíz "permite" a xuntanza PSE-Batasuna
• Recomendámoslles ampliar en Gara e a EiTB