Vieiros

Aínda que os informes que o goberno tiña na mesa recomendaban non darlle beizón ao canon, logo da presión da Sociedade Xeral de Autores, o PSOE, co apoio do PP, acabou dándolle adiante á reforma da lei de propiedade intelectual que apoia e amplía a taxa sobre os soportes dixitais. Os seus partidarios defenden a decisión como a mellor solución entre a introdución das novas tecnoloxías e o respecto polos dereitos dos autores. Desde a Plataforma Todos Contra o Canon advirten que a decisión vai "contra consumidores e profesionais".