Vieiros

Suspendido desde o outono de 2002, o Parlamento autónomo do Úlster inaugurou sesión outra vez este luns, logo de que os gobernos británico e irlandés acordasen a necesidade de darlle outra oportunidade ao complexo escenario político para chegar a un pacto que permita recuperar a súa autonomía política. Os deputados terán até finais de novembro para chegar a un acordo antes de que se lles quite o soldo. A vontade de diálogo semella ser maior desde o lado republicano, onde o Sinn Féin anunciou que estaría disposto a cederlle a xefatura de goberno aos unionistas. Pero precisamente desde esoutro bando, o líder do DUP, Ian Pasley, xa realizou belixerantes declaracións onde se nega a calquera pacto co Sinn Féin.

• Anterior: Londres e Dublín poñen seis meses de prazo para a recuperación da autonomía do Úlster
• Máis sobre o Úlster: en The Guardian e The Independent