Vieiros

A Consellaría de Industria adxudicou o 3 de agosto de 2005, días antes do cambio político en Galiza, unha concesión enerxética anulada por unha sentenza do TSXG que ordeaba repetir a práctica totalidade do concurso convocado para outorgar a licenza. A resolución está asinada polo secretario xeral da consellaría, Jesús Vázquez San Luis, e outorga a explotación da minicentral hidroeléctrica do Landro, en Ourol, á Sociedade Lucense de Enerxía Hidráulica e Eólica, sociedade limitada que non existía cando se convocou o concurso público. A empresa beneficiaria mercáralle os dereitos sobre a concesión a Hidroeléctrica de Ourol, controlada por Luis Castro Valdivia, parente do director xeral de Industria co PP, Ramón Ordás, e polo presidente da Confederación de Empresarios de Galiza (CEG), Antonio Fontenla. A investigación que levou ao cabo o actual gabinete de Industria está xa en mans da Fiscalía. Máis información en La Opinión de A Coruña.