Efecto Faltriqueira: as pandereteiras máis innovadoras actúan no maio en Barcelona dentro do Festival Internacional de Percusión
O Festival Internacional de Percusión ofrece un programa multicultural que reúne grupos procedentes de África, América, Asia e Europa. As pandereiras galegas de Faltriqueira comparten cartel co brasileiro Naná Vasconcelos, o grupo Kassamba, que recolle a tradición rítmica do oeste africana, os colombianos de Lumbalú ou a canción feminina do Rif da man de Hadra des Femmes de Chaouen entre outras.
As catro cantareiras e pandereteiras de Faltriqueira chegaron en 2002 ás listas europeas de world music máis influíntes co seu primeiro disco. De seguida acadaron a consideración de novas promesas do folk internacional e son seleccionadas para o CD recopilatorio do ano 2003 da revista Folk Roots. Colaboraron con grupos como Oskorri, Luar na Lubre ou Víctor Manuel. A Barcelona traen o seu segundo disco, que, segundo voces especializadas, volverá a ter un importante resón internacional. A polifonía fronte á interpretación monotonal é a base dunha proposta innovadora e diferente que se enriquece co acompañamento de percusión e instrumentos acústicos.
Faltriqueira
Efecto Faltriqueira
Intérpretes: María López, Ana Leira e Teresa García, voz e pandeireta; Carolina Rodríguez, voz, pandeireta e pandeiro; Pascal Gaigne, laúde e guitarra, Roi Adrio, percussió; Jorge Juncal, acordeón.
Mércores, 10 de maio de 2006 ás 22:00
Sala Sinfónica do Auditori de Barcelona
c/ Lepant, 150 | 08013 Barcelona
18 euros
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto