Vieiros

A web independentista galizalivre.org foi "practicamente destruida" a consecuencia dun ataque informático que sufriu o pasado luns. Os responsábeis do portal, activo desde o ano 2002, aseguran que "os danos causados som muito consideráveis" e que lles resulta imposíbel recuperar a estrutura e toda a información gardada. O portal, segundo o comunicado ao que se pode acceder na rede, "enfrenta agora umha prolongada fase de interinidade técnica da que o projecto sairá mais reforçado e mais legitimado". Aínda que non puideron identificar "feacientemente" a orixe do ataque, galizalivre.org lembra o acoso que sufriron nos últimos tempos por "instáncias policiais, grupos mediáticos e a própria Justiça espanhola".