Vieiros

O uso das bases militares estadounidenses en sudamérica para espallar o control na rexión, a contración por parte do goberno USA de mercenarios para traballar nas accións bélicas en Iraq, Afganistán e Cuba e a complicidade do executivo de Bush nas irregularidades do programa Petróleo por Alimentos da ONU son algunhas das informacións censuradas ou ocultadas polos principais medios de comunicación estadounidenses, segundo o último informe do Proxecto Cesored. Desde o ano 1976, este grupo de investigadores da universidade californiana de Sonoma publica cada ano unha listaxe de 25 informacións que, a pesar do seu interese para o público norteamericano, son obviadas ou tratadas superfialmente polos medios máis poderosos do país.