Olga Novo e Francisco Castro gañan o Premio Cartafol
Os críticos literarios do Cartafol de Libros decidiron que os mellores libros editados en Galiza nas modalidades de narrativa e poesía durante o ano 2004 son Xeración perdida, de Francisco Castro, e A cousa vermella, de Olga Novo.
O xurado, composto por Moisés Barcia, Carlos Freire, Xosé Manuel G. Trigo, Helena González, Isaac Lourido, Héitor Mera, Penélope Pedreira, Manuel Rodríguez e Xandra Santos, considerou que estas dúas obras destacan entre toda a produción editorial galega do ano pasado pola súa orixinalidade e execución. Con todo, estima que a elección foi difícil, ao ofreceren tamén un alto grado de calidade as obras finalistas.
Con esta iniciativa o equipo do Cartafol de Libros desexa destacar e impulsar a lectura das obras recentes máis relevantes da produción editorial galega, que en moitos casos non atopan recoñecemento á súa calidade en forma de galardóns ou dun posto destacado nas listas de vendas.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto