Vieiros

Ata un 86,6% caeu a cota do Internet Explorer entre a comunidade internáutica e, malia o éxito doutras opcións coma Ópera, a responsabilidade fundamental é do Firefox, que sumou 50 millóns de descargas e está agora mesmo en preto do 9% dos computadores do planeta. Ao tempo, e logo de centrarse na reparación de buracos de seguridade para as súas tres primeiras pequenas actualizacións, os responsábeis do proxecto queren facer unha revisión máis ambiciosa para a próxima versión 1.1, que buscará mellorar aínda máis a velocidade do navegador.