Edición xeral
Annan apoia a proposta para un mundo sen armas nucleares en 2020
Máis de setecentas cidades en todo o planeta apoian a campaña promovida a través das Nacións Unidas polos alcaldes das cidades xaponesas que sufriron o ataque atómico durante a 2ª Guerra Mundial, Hiroshima e Nagasaki, que pide a abolición total das armas nucleares e fixa unha data límite para ese obxectivo: antes do ano 2020. Ao tempo, deu comezo esta semana na sede do organismo internacional a conferencia para a revisión do Tratado de Non Proliferación Nuclear.
"Hai que deixar de lado a retórica para avanzar cara un mundo sen armas nucleares", afirmou en Nova York o secretario xeral das Nacións Unidas, quen opinou que o Tratado de Non Proliferación está "obsoleto" e pediu consenso para revisalo e reforzalo. Os lentos procesos de desarme e, pola contra, as inciativas de rearme cara armas cada vez máis perfeccionadas e perigosas estiveron no fondo do discurso de Kofi Annan, que non quere que o debate se centre única e exclusivamente nos conflitos actuais con Corea do Norte e Irán, obxetivo dos EEUU. Así, o líder da ONU quere que as potencias atómicas asuman novos compromisos cara a fin deste tipo de armamento.
"Imaxinen por uns minutos o que acontecería: centos de milleiros de persoas mortas nun intre e moitas máis afectadas e condeadas a morrer en pouco tempo pola radiación", advertiu Annan. "Debemos camiñar cara a meta dun mundo máis libre, máis xusto e máis seguro", pediu.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto