Vieiros

"Detectouse que dende o seu computador persoal poden estárselle facilitando ao público arquivos musicais que conteñen obras protexidas polos dereitos de propiedade intelectual". Así di a mensaxe de correo electrónico que unha aplicación informática deseñada pola asociación estatal de produtores musicais lle enviou xa a máis de dez milleiros de internautas usuarios da rede Kazaa e que proximamente recibiran tamén os que utilicen eMule. A asociación non descarta iniciar a curto prazo accións directas a través dos tribunais contra usuarios destes programas, do mesmo xeito que xa aconteceu en países coma Francia, Holanda ou o Reino Unido.