Edición xeral
A Comisión da AP-53 solicítalle unha reunión a Fomento para rebaixar o prezo da peaxe Lalín-Dozón
Representantes sociais, políticos e económicos da comarca do Deza, reunidos na Comisión para a rebaixa da peaxe da autoestrada AP-53, acordaron solicitarlle unha entrevista ao secretario de Estado de Infraestructuras, Víctor Morlán, para reclamar unha diminución das taxas do tramo entre Santiago e o Alto de Santo Domingo.
A comisión reuniuse despois de que o Ministerio de Fomento lle comunicase por escrito ao Concello de Lalín a desestimación do recurso de impugnación presentado polo alcalde, Xosé Crespo, en xullo de 2004 contra a resolución ministerial que aprobaba a peaxe da autoestrada AP-53, tras a apertura do tramo ata o Alto de Santo Domingo, pasando a custar a viaxe dende Lalín ata Santiago de 3,60 a 4,35 euros.
A comisión decidiu, ademais, dirixirse á Consellaría de Política Territorial para solicitar información sobre a execución do proxecto dende Dozón ata Ourense e sobre as tarifas que se aplicarán no segundo tramo. Non desbotan entrevistarse con posterioridade co responsable de Política Territorial, Alberto Núñez Feijóo, para demandar tamén o abaratamento desta peaxe.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto