A ICANN aproba o acordo que impulsa os dominios europeos
A organización internacional de xestión do rexistro de enderezos de internet, a ICANN, deulle beizón á proposta da Comisión Europea para que sexa o organismo sen ánimo de lucro EURid quen coordine os novos enderezos internáuticos baixo o sufixo .eu que deberan estar dispoñíbeis antes da fin deste ano.
Segundo os prazos establecidos durante o 2005 entrarían en funcionamento os novos nomes de dominio europeos e durante un período inicial de catro meses só empresas e organismos públicos poderán mercar estes enderezos.
O obxectivo é a promoción do comercio electrónico no espazo europeo e evitar o rexistro con fins especulativas, tratando de reducir os posíbeis conflitos polos nomes de dominio e verificar os dereitos sobre os nomes requiridos. EURid adxudicoulle á delegación belga de PricewaterhouseCoopers a xestión deste área.
O organismo traballa agora na definición do contrato e as condicións legais para a compra dos enderezos coma paso previo á acreditación de organismos rexistradores en cada Estado que iniciarán a recollida das reservas de dominio.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto